Hvað eru Menntastoðir?
Menntastoðir er nám unnið í samstarfi Miðstöðvar símenntunar á Suðurnesjum, Fræðslumiðstöðvar atvinnulífsins og Keilis, miðstöðvar vísinda, fræða og atvinnulífs.

Markmið Menntastoða er að stuðla að jákvæðu viðhorfi námsmanna til áframhaldandi náms og auðvelda þeim að takast á við ný verkefni. Í náminu er lögð áhersla á að nemendur læri að læra, efli sjálfstraust sitt og lífsleikni.

Skoðaðu kynningarmyndband um fjarnám Menntastoðir hér.

Nemendur sem ljúka námi í Menntastoðum eiga kost á því að sækja um nám í Háskólabrú Keilis eða í frumgreiningadeild H.R. og Bifrastar.
Nám í Háskólabrú er lánshæft hjá LÍN, gegn ákveðnum skilyrðum ( sjá nánar á www.lin.is).
Menntamálaráðuneytið hefur samþykkt að framhaldsskólar megi meta námið til eininga.

Eftirfarandi eru ummæli nemenda sem hafa lokið Menntastoðum.
Menntastoðir færðu mér:

• Kjark og þor til að takast á við áframhaldandi nám. Frábær grunnur til að byggja á.
• Gífurlega aukið sjálfstraust, núna veit ég að ég GET lært, einnig fékk ég góðan stuðning fyrir áframhaldandi nám.
• Metnaðinn til að læra. Og ég sá að þrátt fyrir ýmsa örðugleika þá er alveg hægt að standa sig vel í námi.
• Góðan undirbúning, sérstaklega fyrir það álag og hraða sem fylgir Keili. Mjög gott að vera búin að ná helsta prófahrollinum úr sér. Einnig fékk maður aukið sjálfstraust.
• Ég lærði margt nýtt um sjálfan mig hvað varðar lærdómsvenjur og styrkleika í námi ásamt því að öðlast talsvert meira sjálfstraust hvað varðar frekari menntun.

Kennslufyrirkomulag
Námið í Menntastoðum tekur um 6 mánuði ( staðnám) eða 10 mánuði (dreifi- og fjarnám ) og metur Keilir námið til 55 eininga á framhaldskólastigi. Munurinn á staðnámi og dreif- eða fjarnámi felst í því að staðnámið er dagskóli fimm daga vikunnar en dreifinámið er kvöld/helgarskóli með fjarnámssniði.

Helstu námsgreinar eru:
Stærðfræði
Íslenska
Upplýsingatækni
Enska
Danska
Námstækni
Bókfærsla

Kennsluhættir
Kennsluhættir Menntastoða miða við þarfir fullorðinna nemenda og leitast er við að veita nemendum góða þjónustu. Þannig skipa sjálfsefling, námstækni og hópefli stóran þátt í skólastarfinu. Hluti kennslu í Menntastoðum byggist á tölvum og því er nemendurm ráðlagt að verða sér út um fartölvu með Office 2010 hugbúnaði.

Kostnaður
Nám í Menntastoðum kostar 116 .000 kr. Hægt er að sækja um styrki hjá stéttarfélögum fyrir skólagjöldum. Jafnframt styrkir Vinnumálastofnun þá nemendur sem eru án atvinnu, eftir að gengið hefur verið frá námssamningi. Námssamning við Vinnumálastofnun þarf að gera áður en nemandinn hefur námið. Greiða þarf námið fyrirfram, eigi seinna en 2 vikum áður en að nám hefst.
 
Skólagjaldið fæst ekki endurgreitt, reglur um skólagjöld má lesa hér. 

Boðið er upp á þrjár námsleiðir í Menntastoðum.
______________________________________________________________________________________________________________________________________________________

Nánari upplýsingar um Menntastoðir og greiðslufyrirkomulag námsins fæst hjá Miðstöð símenntunar á Suðurnesjum, www.mss.is. eða hjá Særúnu 412-5952 / 421-7500 eða á saerunrosa@mss.is.

Smellið hér til að fara á skráningarsíðu Menntastoða

• Öll námskeið
• Skrá á póstlista
• Námskrá