Sölu- og markaðsnám - SMR I
Viltu styrkja þig í sölu- og markaðsmálum? Langar þig að stofna eigið fyrirtæki?
Tilgangur námsins er að efla þekkingu og auka hæfni þeirra sem sinna eða hafa hug á að sinna, sölustörfum og markaðsmálum. Námið er 222 klukkustundir og mögulegt að meta það til 11 eininga á framhaldsskólastigi.
Markmið að námsmaður geti eftir námið:
- Markaðssett vörur og fyrirtæki í fjölmiðlum og á netinu.
- Stofnað fyrirtæki út frá eigin hugmyndum.
- Sett raunhæf markmið og fyllt þeim eftir með verkefnastjórn.
- Búið til faglegt kynningarefni sem vekur athygli.
- Kynnt vörur sínar eða fyrirtæki á vörusýningu.
- Notað upplýsingatækni, netið og samfélagsmiðla til að kynna og selja vörur.
Námsþættir:
- Microsoft Teams fyrir aukatíma í upplýsingatækni á netinu
- Námstækni
- Markmiðasetning
- Frumkvöðlafræði og fyrirtækjasmiðja
- Almenn markaðsfræði
- Gerð kynningarefnis
- Markaðsrannsóknir
- Markaðssetning og samfélagsmiðlar
- Markaðssetning á netinu
- Sölutækni og viðskiptatengsl
- Verkefnastjórnun
- Framsögn og framkoma
- Tölvu og upplýsingatækni
Námsmat
Þegar kemur að námsmati er lögð áhersla á verkefnavinnu, verklegar æfingar, hópavinnu og samræður. Kennt er samkvæmt námskrá frá Fræðslumiðstöð atvinnulífsins og mögulegt að sækja um við framhaldsskóla að 11 námseiningar verði metnar eftir þetta nám.
Kennslufyrirkomulag
Námsleiðin verður kennd í staðnámi mánudaga og miðvikudaga kl. 17:00-20:00. Aukatímar í upplýsingatækni verða í fjarnámi á föstudögum kl. 17:00-19:00. Tímar verða teknir upp þannig að þeir sem missa af tíma, t.d. vegna veikinda, geta horft á kennslustundina og unnið verkefni eftirá. Verkefnum fyrir alla námsþætti þarf að ljúka áður en næsti námsþáttur hefst.
Styrkir vegna skólagjalda
Hægt er að sækja um styrki vegna skólagjalda til fræðslusjóða stéttarfélaga.
Nánari upplýsingar veita Áslaug og Hólmfríður í síma 421-7500 eða á smr@mss.is
Verð á námsleiðum er birt með fyrirvara um breytingar