Skráning og nánari upplýsingar hjá Miðstöð símenntunar á Suðurnesjum í síma 421 7500.
Tölvuskóli Suðurnesja - Námskeið haust 2010
Byrjendanámskeið
Vinsælt námskeið, ætlað fólki á öllum aldri sem hefur litla eða enga tölvukunnáttu. Allar greinar eru kenndar frá grunni og farið rólega í námsefnið með miklum endurtekningum. Á þessu námskeiði er allt sem byrjandi þarf til að komast vel af stað og öðlast sjálfsöryggi við tölvuna.
Lengd: 58 kennslustundir.
Verð kr. 49.000,-
Kennt verður mánudaga og miðvikudaga, kl. 17:10 - 19:30, hefst 27. september og lýkur 29. nóvember
Athugið, verkalýðsfélög og vinnumálastofnun niðurgreiða námskeiðið fyrir fólk með uppsöfnuð réttindi, kynntu þér rétt þinn.
Tölvunám fyrir lengra komna
Sérlega hagnýtt nám fyrir þá sem einhvern tölvugrunn hafa til að byggja á eða hafa einhverja reynslu af tölvuvinnu en vilja auka við hæfni sína og læra meira. Þetta er nám sem veitir þátttakendum góða tölvuþekkingu og þjálfun við að beita Office forritunum við lausn flóknari viðfangsefna.
Námsgreinar:
• Windows stýrikerfi og skjalavarsla
• Word
• Excel
• Internet og Outlook tölvupóstur
Lengd: 58 kennslustundir.
Verð kr. 49.000,-
Kennt verður mánudaga og miðvikudaga, kl. 19:40 - 22:00, hefst 27. september og lýkur 29. nóvember
Athugið, verkalýðsfélög og vinnumálastofnun niðurgreiða námskeiðið fyrir fólk með uppsöfnuð réttindi, kynntu þér rétt þinn.
Vefsíðugerð I
Vinsælt námskeið sem ætlað er byrjendum í vefsmíði og fólki sem vill koma sér upp einfaldri og þægilegri heimasíðu.
Kennt er á tvö af algengustu forritum sem notuð eru til vefsmíða og myndvinnslu fyrir vefinn, PhotoShop og FrontPage.
Í lok námskeiðs eiga þáttakendur að vera færir um að búa til frambærilega heimasíðu fyrir sjálfan sig en eða fyrirtæki til kynningar á Netinu, vista hana á Netinu og kunna skil á umsjón og uppfærslu hennar. Jafnframt er námskeiðið góður grunnur undir frekara nám í allri vefhönnun.
Þátttakendum er frjálst að vinna í eigin heimasíðu í samráði við kennara.
Lengd: 45 kennslustundir.
Verð kr. 52.000,-
Kennt verður þriðjudaga og fimmtudaga, kl. 17:10 - 20:10, hefst 28. september og lýkur 28. október.
PhotoShop
PhotoShop er yfirburðaforrit til alhliða myndvinnslu, myndlagfæringa, litleiðréttinga og myndasamsetningar fyrir skjá og prentmiðla, skapandi myndvinnslu og grafískrar hönnunar. Það er gríðarlega fullkomið og býður upp á nánast óþrjótandi möguleika.
Á þessu námskeiði er farið í helstu grunnþætti, áhöld, tæki og valmyndir forritsins svo þátttakendur öðlist skilning á myndvinnslu í tölvum og geti orðið sjálfbjarga við helstu aðgerðir í forritinu sem almennir notendur þurfa að kunna skil á.
Lengd: 22 kennslustundir.
Verð kr. 28.000,-
Kennt verður þriðjudaga og fimmtudaga, kl. 17:10 - 20:10, hefst 28. september og lýkur 12. október.
Frontpage
FrontPage er útbreiddasta og algengasta forritið sem notað er við gerð heimasíðna þar sem forritið fylgir yfirleitt Office hugbúnaðinum frá Microsoft. Námskeiðið hentar því vel þeim sem eru að stíga fyrstu skrefin í heimasíðugerð. Front Page er kennt sem hluti af Vefsíðugerð I og er þátttakendum er frjálst að vinna að eigin verkefni á námskeiðinu.
Lengd: 22 kennslustundir.
Verð kr. 28.000,-
Kennt verður þriðjudaga og fimmtudaga, kl. 17:10 - 20:10, hefst 14. október og lýkur 28. október.
Stafrænar myndavélar og meðferð stafrænna mynda í heimilistölvunni
Vinsælt og hagnýtt námskeið um öll grundvallaratriði stafrænna myndavéla og meðferð stafrænna mynda í heimilistölvunni.
• Stillingar stafrænna myndavéla
• Stærðir og upplausn mynda
• Myndir færðar yfir í tölvu
• Skipulag myndasafns í tölvu
• Heimaprentun / framköllun
• Myndir skrifaðar á CD/DVD
• Frágangur mynda fyrir sendingu í tölvupósti
• Grundvallarlagfæringar
Vinsælt, ókeypis myndvinnsluforrit á netinu kynnt
Lengd: 12 kennslustundir
Verð kr. 15.000,-
Kennt verður laugardagana 2. og 9. október frá 13:00 - 17:00
Öryggi og vírusvarnir
Stutt og gagnlegt námskeið fyrir þá sem vilja tryggja öryggi heimilistölvunnar og hreinsa hana af óværum. Námskeið þetta hentar almennum tölvunotendum.
Helstu atriði sem farið er yfir:
• Veirur og veiruvarnir
• Uppsetning á öryggisviðbótum og uppfærslum
• Sjálfvirk og handvirk uppfærsla
• Uppræting njósnaforrita
• Uppsetning og stillingar á eldveggjum
• Varnir gegn kæfupósti
• Uppsetning og keyrsla öryggisprófunarforrits
Lengd: 9 kennslustundir
Verð kr. 12.000,- Innifalið í verði er geisladiskur með helstu öryggisforritum.
Kennt verður laugardagana 16. og 23. október frá 13:00 - 16:00
Námskeið fyrir foreldra
Haldið í samstarfi við awarego.com
Þetta námskeið er ætlað fyrir foreldra til þess að tryggja öryggi barna og unglinga. Á því er farið yfir ýmsar leiðir til að fylgjast með hvað börnin eru að gera í tölvunni og á netinu, sett eru upp forrit og farið yfir leiðir til að fyrirbyggja ranga notkun og farið yfir ýmsa fræðslu fyrir börn varðandi hættur á netinu og hvernig best er að fræða börn á hættunum.
Námskeiðið innifelur meðal annars:
• Hvernig þú getur stjórnað hversu mikinn tíma börnin mega vera í tölvunni.
• Hvernig þú getur stjórnað tölvu- og netnotkun.
• Hvernig þú getur fylgst með hvaða vefsíður eru skoðaðar með ýmsum leiðum.
• Hvernig þú getur fylgst með notkun á skilaboðaforritum eins og messenger.
• Hvernig þú getur komið í veg fyrir uppsetningu á forritum án þín leyfis.
• Hvernig þú getur læst aðgangi og komið í veg fyrir að börnin skoði þín gögn.
• Þá verður farið yfir gerð notkunarsamnings, þ.e. þar sem foreldrar og börn eru sammála um notkun á tölvunni.
Lengd: 6 kennslustundir.
Verð kr. 9.900,-
Kennt verður laugardaginn 30. október, 13:00 - 17:00
Miðstöð símenntunar á Suðurnesjum