Fræðslustjóri að láni

Ef fyrirtæki eða stofnun óskar eftir faglegri aðstoð við fræðslu- og þjálfunarmál býður MSS upp á fræðslustjóra að láni í samstarfi við starfsmenntunarsjóði stéttarfélaga. Verkefnið felst í því að lána út ráðgjafa sem er sérhæfður í vinnustaðafræðslu og mannauðsþróun, með það að markmiði að styðja fyrirtæki við markvissa uppbyggingu fræðslumála.

Ráðgjafinn fer yfir núverandi fræðslu- og þjálfunarstarf innan fyrirtækisins, greinir það sem vel er gert og vinnur í framhaldinu ítarlega þarfagreiningu í samráði við stjórnendur og starfsfólk. Á grundvelli greiningarinnar eru settar fram tillögur að markvissum aðgerðum og lausnum sem styðja við markmið fyrirtækisins og efla hæfni starfsfólks.

Hægt er að sækja um styrk að fullu fyrir verkefninu og veita starfsmenn MSS aðstoð við umsóknarferlið, þannig að framkvæmd verkefnisins verði sem einföldust og aðgengilegust fyrir fyrirtækið.

Frekari upplýsingar varðandi þarfagreiningar veita:
Hólmfríður - Sími: 421 7500 - Netfang: holmfridur@mss.is
Nanna Bára - Sími: 421 7500 - Netfang: nanna@mss.is