Ferilskrá er eitt mikilvægasta verkfærið í atvinnuleit.

Hún er oft það fyrsta sem atvinnurekandi sér og getur því skipt miklu máli þegar kemur að því að vekja áhuga og fá boð í atvinnuviðtal.

Góð ferilskrá er skýr, hnitmiðuð og faglega unnin. Hún þarf að draga fram menntun, starfsreynslu, færni og styrkleika á skipulegan og aðgengilegan hátt. Mikilvægt er að upplýsingar séu réttar, uppfærðar og settar fram á vandaðan hátt.

Ferilskráin á að gefa skýra heildarmynd af umsækjanda og vera sniðin að því starfi sem sótt er um. Gott er að eiga grunnferilskrá sem síðan er hægt að laga að mismunandi störfum.

Hvað einkennir góða ferilskrá?

Góð ferilskrá er:

• skýr og vel upp sett
• hnitmiðuð og auðveld yfirlestrar
• laus við stafsetningar- og málfarsvillur
• uppfærð og sniðin að starfinu sem sótt er um
• fagleg og heiðarleg í framsetningu

Sýnishorn og sniðmát

Hér fyrir neðan má nálgast sýnishorn af ferilskrám sem hægt er að nýta sem fyrirmynd við gerð eigin ferilskrár.