Hvert fara kjóarnir?

Kjóinn er einn af einkennisfuglum Suðurnesja og einn af okkar áhugaverðustu farfuglum enda far hans eitt af þeim allra lengstu nokkurrar tegundar. Kjóinn hefur oft haft slæmt orð á sér fyrir að ræna ungum og eggjum annarra fugla en þegar hann er skoðaður í réttu ljósi sést hve ótrúlegt lífshlaup hvers einstaklings er.

Þekkingarsetur Suðurnesja og Háskóli Íslands hafa stundað rannsóknir á farháttum kjóa frá árinu 2013. Í þessum fyrirlestri mun Sölvi Rúnar Vignisson kynna líf- og farhætti íslenska kjóans en fyrir þessa rannsókn var hið ótrúlega far hans lítið þekkt. Fyrirlesturinn er haldinn af Þekkingarsetri Suðurnesja í samstarfi við Miðstöð símenntunar á Suðurnesjum og Fuglavernd.

Leiðbeinandi: Sölvi Rúnar Vignisson, líffræðingur hjá Þekkingarsetri Suðurnesja.

Aðgangur er ókeypis.

Nánari upplýsingar veitir Hanna í síma 423-7555 eða á hanna@thekkingarsetur.is

Hvert fara kjóarnir?