Menntastoðir - Staðnám

Menntastoðir eru undirbúningsnám fyrir frumgreinadeildir Keilis, Bifrastar og H.R.

Auk þess má meta námið sem hluta af bóklegum greinum í iðnnámi. Lokamarkmið Menntastoða er fyrst og fremst að námsmenn auki færni sína í þeim námsþáttum sem kenndir eru þannig að þeir geti tekist á við nám við frumgreinadeild háskóla, þ.e. uppfylli viðmið á þrepi tvö.

Markmið eru að námsmaður:

  • þekki þær leiðir sem henta honum til náms
  • hafi jákvæð viðhorf gagnvart áframhaldandi námi
  • hafi bætt sjálfstraust sitt og aukið færni sína í samskiptum við aðra     
  • sé fær um að vinna verkefni sjálfstætt og skipulega, afla og miðla upplýsingum með ýmsu móti.             

Námsgreinar:

  • Íslenska
  • Stærðfræði
  • Enska
  • Upplýsingatækni
  • Námstækni
  • Danska
  • Lokaverkefni
  • Samfélagsgrein 

Námsmat
Verkefnaskil, kannanir og virk þátttaka (Símat).

Kennslufyrirkomulag 
Menntastoðir staðnám tekur um fimm mánuði og telur til allt að 60 eininga. Kennsla á sér stað virka daga frá klukkan 08:30 – 12:25 í húsnæði MSS. Stoðver er í boði fyrir nemendur mánudaga, þriðjudaga og fimmtudaga frá 13:00-16:00, þar hafa nemendur aðgengi að kennara og fengið aðstoð með námið. Staðnám er kjörið fyrir þá nemendum sem hafa svigrúm til þess að ljúka námi á stuttum tíma.

Útskrift Menntastoða, ásamt fleiri námsleiðum, er haldin hátíðleg í lok náms.

Styrkir vegna skólagjalda
Hægt er að sækja um styrki vegna skólagjalda til fræðslusjóða stéttarfélaga.

Nánari upplýsingar
Nánari upplýsingar veitir Linda Björk verkefnastýra, eða náms- og starfsráðgjafar MSS (Inga Sif og Steinunn), í síma 421-7500 eða menntastodir@mss.is

Verð á námsleiðum er birt með fyrirvara um breytingar

Price: 181.000 ISK
Time period: August 14. - December 14.

Apply
Menntastoðir - Staðnám