Finndu nám eða námskeið sem hentar þér
Finndu nám eða námskeið sem hentar þér
Kynntu þér námsframboð MSS eða pantaðu tíma í náms- og starfsráðgjöf og skoðaðu þína möguleika
Kynntu þér námsframboð MSS eða pantaðu tíma í náms- og starfsráðgjöf og skoðaðu þína möguleika
Framundan hjá MSS
3. nóvember 2026
Á námskeiðinu er fjallað um mismunandi tegundir sykursýki og hvernig næring og mataræði gegna lykilhlutverki í meðferð og vellíðan einstaklinga með sjúkdóminn. Lögð er áhersla á helstu atriði í mataræði eftir tegund sykursýki, með tilliti til þátta eins og lyfjameðferðar, aldurs, lífsstíls og einstaklingsbundinna þarfa.Námskeiðið veitir bæði fræðilega og hagnýta þekkingu sem nýtist þeim sem starfa á heilbrigðis- og velferðarsviði, sem og öðrum sem vilja auka skilning sinn á tengslum sykursýki og næringar.
Leiðbeinandi: Óla Kallý Magnúsdóttir, næringarfræðingur á Þróunarmiðstöð íslenskrar heilsugæslu og Heilsugæslu höfuðborgarsvæðisins og doktor í næringarfræði.
Námsmat:100% mætingarskylda og virk þátttaka á námskeiðinu.
Tími og staðsetning: Þriðjudaginn 3. nóvember og fimmtudaginn 5. nóvember 2026 kl. 17:00 - 21:00. Námskeiðið mun fara fram í húsnæði MSS, Krossmóa 4a, 3. hæð.
Námskeiðið er 8 klukkustundir og gefur 10 punkta til sjúkraliða.
Styrkir vegna námskeiðsgjalda:Hægt er að sækja um styrki vegna námskeiðsgjalda til fræðslusjóða stéttarfélaga.Ekki gleyma að kanna þinn rétt.
Nánari upplýsingar veita:Jóhanna María og Hólmfríður - Netfang: namskeid@mss.is - Sími 421-7500.
Verð og upplýsingar á námsleiðum er birt með fyrirvara um breytingar
34.500 kr.
Ummæli einstaklinga
Ég ákvað að fara í raunfærnimat vegna þess að ég þekkti manneskju sem hafði farið í svona mat. Síðan matið fór fram er ég búin að klára nám í matartækni frá MK. Ég fékk helling metið í raunfærnimatinu. Ég myndi segja við þann sem er að hugsa um að fara í svona mat að drífa sig því þetta er algjör snilld að eiga möguleika á því að ná sér í réttindi með svona auðveldum hætti.
Bryndís Rúnarsdóttir - þátttakandi í raunfærnimati
Um MSS
Miðstöð símenntunar á Suðurnesjum var stofnuð 10. desember 1997. Mikil fjölgun valkosta varð í menntunarmálum á Suðurnesjum við stofnun Miðstöðvarinnar. Þar með varð aðgengi almennings að námskeiðum meira og aukið svigrúm skapaðist til sí- og endurmenntunar. Á þeim árum sem Miðstöð símenntunar á Suðurnesjum hefur verið starfrækt hefur starfsemin vaxið jafnt og þétt og námsframboðið tekið mið af þörfum viðskiptavina hverju sinni.
Meginhlutverk Miðstöðvar símenntunar á Suðurnesjum er að efla sí- og endurmenntun Suðurnesjamanna, auka menntun og lífgæði íbúa svæðisins og efla þannig einstaklinga og atvinnulíf.
Miðstöðin leggur metnað sinn í að veita ráðgjöf og persónulega þjónustu ásamt umhverfi til náms þar sem einstaklingum líður vel.
