Gæðavottun EQM+

Miðstöð símenntunar á Suðurnesjum er viðurkenndur fræðsluaðili samkvæmt lögum um framhaldsfræðslu nr. 27/2010 og starfar samkvæmt EQM+ gæðakerfinu, e. European Quality Mark.

EQM er hannað til að mæta síauknum kröfum um gagnsemi, gagnsæi í framkvæmd og skjölun og sameiginleg gæðaviðmið fyrir fræðsluaðila utan hins formlega skólakerfis. EQM +tekur mið af:

• Gæðum þjónustunnar sem fræðsluaðili veitir.
• Innri gæðastjórnun og verklagsreglum fræðsluaðila.
• Hvernig núverandi starfshættir samræmast viðurkenndum gæðaviðmiðum.

MSS hlaut síðast EQM+ gæðavottun í janúar 2025 og gildir hún í þrjú ár. MSS uppfyllir þannig viðmið EQM+ um gæði kennslu í fullorðinsfræðslu, náms- og starfsráðgjöf til fullorðinna og framkvæmd raunfærnimats.

Hér má nálgast nýjustu EQM+ vottun MSS

Gæðaúttekt 2024

Gæðaúttekt 2022

Gæðaúttekt 2019

Innra mat

Samkvæmt gildandi lögum um framhaldsfræðslu ber þeim aðilum sem hafa samning við mennta- og menningarmálaráðuneytið að meta sjálfir með kerfisbundnum hætti árangur og gæði fræðslustarfsins og birta opinberlega upplýsingar um innra gæðamat sitt og áætlanir um umbætur í kjölfar þess.

Árið 2020 var stofnuð formleg matsnefnd í MSS og sjálfsmatskerfið var þróað af henni. Í núverandi nefnd sitja Guðjónína Sæmundsdóttir forstöðukona MSS, Birna Vilborg Jakobsdóttir gæðastjóri, Hólmfríður Karlsdóttir deildarstjóri og Steinunn Björk Jónatansdóttir deildarstjóri og náms- og starfsráðgjafi.  

Á hverri önn eru ólíkir þættir starfsins metnir en kennslumat fer þó alltaf fram eftir hvert námskeið. MSS starfar eftir EQM+ gæðakerfinu og árlega fer fram innri úttekt. Á þriggja ára fresti kemur löggildur matsaðili og framkvæmir úttekt.

Hér fyrir neðan má sjá þá þætti skólastarfsins sem metnir eru.

Síðast breytt: Október 2026