Í dag standa einstaklingum til boða fjölbreyttar leiðir í námi og starfi. Fyrir marga getur því verið erfitt að átta sig á hvaða leið hentar best, sérstaklega þegar áhugi, reynsla, færni og aðstæður spila allt saman inn í ákvörðunina.

Á tímum hraðra breytinga á vinnumarkaði hefur sí- og endurmenntun orðið sífellt mikilvægari og eflaust aldrei verið mikilvægari en í dag. Margir þurfa á einhverjum tímapunkti að endurmeta stöðu sína, bæta við þekkingu, styrkja hæfni sína eða skoða nýjar leiðir í námi og starfi. Gagnlegar vefsíður geta hjálpað til við að skoða möguleika, afla upplýsinga og fá skýrari mynd af næstu skrefum.

Næsta skref

Á Næsta Skref er hægt að skoða námsleiðir og störf og finna gagnlegar upplýsingar um möguleika í námi og starfi.

Vegvísir - Næsta skref

Vegvísirinn getur hjálpað þér að fá hugmyndir um hvaða námsleiðir og störf gætu hentað þér út frá áhuga og aðstæðum.

Námsvalshjól Háskóla Íslands

Námsvalshjól Háskóla Íslands getur hjálpað þér að tengja áhuga þinn við mismunandi greinar og grunnnám á háskólastigi.

Nám og störf 

Þar eru upplýsingar um iðnnám og starfsmöguleika tengda iðnnámi. 

Vantar þig aðstoð?

Þó að gagnlegar vefsíður geti hjálpað mikið er oft gott að ræða hugmyndir, niðurstöður og næstu skref við náms- og starfsráðgjafa. Náms- og starfsráðgjafar MSS geta aðstoðað þig við að bera saman möguleika og finna þá leið sem hentar þér best.

Steinunn Björk Jónatansdóttir í síma 412 5940 / steinunn@mss.is 
Inga Sif Ingimundardóttir í síma 412-5958 / inga@mss.is