18. október 2021
Útskrift í Tæknilæsi og tölvufærni
Föstudaginn 8. október 2021 útskrifuðust 18 nemendur úr Tæknilæsi og tölvufærni: vinnuumhverfi samtímans. Kennt var í tveimur hópum, einum íslenskumælandi og öðrum enskumælandi.
Markmið með náminu er að auka tæknilæsi og tölvufærni námsmanna með það að leiðarljósi að efla hæfni einstaklinga í starfi. Áhersla er að gera nemendur færari í að takast á við tækniframfarir og breytingar sem orðið hafa í atvinnulífinu með tilkomu nýrra tækni og tækja.
Þátttakendur lærðu um
- Fjarvinnu og fjarnám
- Sjálfvirkni og gervigreind
- Skýjalausnir
- Stýrikerfi og stillingar stýrikerfa
- Tæknifærni og tæknilæsi
- Öryggisvitund og netöryggi
Traustir leiðbeinendur með mikla þekkingu á upplýsingatækni buðu þátttakendum upp á lifandi og skemmtilega námsleið, þar sem mikið var rætt og skrafað um upplýsingatæknimál framtíðarinnar. Nokkrir nemendur minntust á eftir að námsleiðinni lauk að nú vissu þau nákvæmlega hvað þau þurftu að gera til að kaupa sér síma og tölvur sem henta þeirra þörfum.