Um námskeiðið
Skrifstofuskóli II er sérhæft nám fyrir fólk sem hefur áhuga á að ná sér í góðan undirbúning fyrir skrifstofustörf eða hugar að frekara námi í þeim geira. Að námi loknu eiga námsmenn að vera færir um að starfa á skrifstofu og verða fjölhæfur og góður starfskraftur. Þeir eiga að hafa tileinkað sér sjálfstæð vinnubrögð, hafa góða innsýn í rekstur fyrirtækja og góða bókhaldsþekkingu.
Námið er 240 kennslustundir og mögulegt er að meta það allt að 8 einingum á framhaldsskólastigi.
Markmið námsins að námsmaður:
- efli sjálfstraust sitt og öryggi til faglegra starfa á skrifstofu
- auki færni sína til að vinna störf á nútímaskrifstofu
- auki þjónustufærni sína
- hafi góða innsýn í rekstur fyrirtækja
- hafi öðlast góða bókhaldsþekkingu
- öðlist skilning og reynslu á verkfærum og verkferlum sem nýtist þeim í starfi
Námsgreinar:
- Skrifstofufærni
- Tölvur og upplýsingatækni
- Málnotkun
- Verkefnastjórnun
- Vinnan og vinnumarkaðurinn
- Þjónusta
- Tölvubókhald
- Vaxtareikningur
- Ársreikningar
- Vettvangsnám
Námsmat:
Verkefnaskil, kannanir og virk þátttaka (símat).
Kennslufyrirkomulag:
Kennt er tvö síðdegi í viku, þriðjudaga og fimmtudaga frá kl. 17:00 til 20:35. Kennt er samkvæmt námskrá sem er viðurkennd af Fræðslumiðstöð atvinnulífsins.
Dreifinám er skipulagt þannig að hluti náms fer fram í gegnum netið; fyrirlestrar, verkefni og námsefni frá kennurum eru aðgengileg á kennslukerfi MSS.
Styrkir vegna skólagjalda:
Hægt er að sækja um styrki vegna skólagjalda til fræðslusjóða stéttarfélaga og atvinnuleitendur geta leitað til VMST.
Ekki gleyma að kanna þinn rétt.
Nánari upplýsingar veita:
Díana Sól og Hólmfríður - Natfang: skrifstofuskoli@mss.is - Sími: 421-7500.
Námið er niðurgreitt af Fræðslusjóði - verð er birt með fyrirvara um breytingar á verðskrá Fræðslusjóðs.