Um námskeiðið
Viltu styrkja þig í sölu- og markaðsmálum?
Á námsleiðinni færðu þjálfun í helstu þáttum sölu og markaðssetningar með áherslu á hagnýta þekkingu sem nýtist í námi og starfi. Námið er 210 klukkustundir og mögulegt að meta það til allt að 11 eininga á framhaldsskólastigi.
Markmið námskeiðsins er að þátttakendur geti:
- markaðssett vörur, þjónustu og hugmyndir á markvissan hátt, bæði á netinu og í öðrum miðlum.
- sett sér raunhæf markmið,
- skipulagt eigið nám og nýtt upplýsingatækni í námi og starfi.
- nýtt samfélagsmiðla, leitarvélar, tölvupóst og önnur stafræn verkfæri við markaðssetningu og kynningu.
- gert einfalda markaðsrannsókn og nýtt niðurstöður hennar við áætlanagerð og ákvarðanatöku.
- búið til faglegt kynningarefni og kynnt vörur, þjónustu eða hugmyndir á skýran og faglegan hátt.
- beitt helstu aðferðum í sölutækni og átt í árangursríkum samskiptum við viðskiptavini og samstarfsfólk.
- unnið hagnýtt lokaverkefni þar sem sett er upp heimasíða sem kynnir og markaðssetur vöru, þjónustu eða hugmynd.
Námsþættir:
- Tölvu- og upplýsingatækni
- Námsdagbók og markmiðasetning
- Námstækni
- Framsögn og framkoma
- Samskipti
- Almenn markaðsfræði
- Markaðsrannsóknir
- Gerð kynningarefnis
- Markaðssetning á netinu
- Markaðssetning og samfélagsmiðlar
- Sölutækni og viðskiptatengsl
- Lokaverkefni
Námsmat: Áhersla er lögð á leiðsagnarmat og fjölbreyttar matsaðferðir í samræmi við námskrá Fræðslumiðstöðvar atvinnulífsins. Námsmat byggist því fyrst og fremst á verkefnavinnu, verklegum æfingum, hópavinnu, umræðum og samræðum fremur en hefðbundnum prófum. Lögð er áhersla á virka þátttöku og reglulega endurgjöf á námstímanum.
Kennslufyrirkomulag: Námið er kennt í fjarnámi í gegnum Microsoft Teams. Kennsla fer fram tvö til þrjú síðdegi í viku kl. 17:00-20:00 og annan hvern laugardag kl. 09:00-13:00. Samhliða kennslu vinna þátttakendur verkefni og hafa aðgang að fyrirlestrum og öðru námsefni á netinu. Boðið verður upp á aukatíma í tölvu- og upplýsingatækni ef þörf krefur.
Styrkir vegna skólagjalda: Hægt er að sækja um styrki vegna skólagjalda til fræðslusjóða stéttarfélaga.
Nánari upplýsingar veita: Jóhanna og Hólmfríður í síma 421-7500 eða á smr@mss.is
Verð og upplýsingar á námsleiðum er birt með fyrirvara um breytingar