Um námskeiðið
Markmið námsins er að einstaklingar sem sinna samfélagstúlkun öðlist þá hæfni sem þarf til að sinna skilgreindum viðfangsefnum, samkvæmt hæfnigreiningu starfsins, á faglegan og árangursríkan hátt og geti þróast í starfi.
Námið er ætlað einstaklingum sem hafa gott vald á íslensku og því tungumáli sem þeir túlka.
Námsgreinar og áherslur:
Samfélagstúlkur miðlar merkingu á milli aðila sem ekki tala sama tungumál, án þess að taka afstöðu til viðfangsefnisins. Í náminu er meðal annars lögð áhersla á:
- undirbúning verkefna og skilning á viðfangsefnum
- túlkatækni og verklag túlkunar
- fjölmenningarfærni
- góð samskipti og samvinnu
- fagleg vinnubrögð í starfi samfélagstúlks
Samfélagstúlkur þarf að geta:
- unnið að lausnum
- sýnt skilning á starfsemi fyrirtækja og stofnana
- unnið undir álagi og við ólíkar aðstæður
- átt í góðum samskiptum við þjónustuþega og samstarfsfólk
- sýnt natni, nákvæmni og þrautseigju
- búið yfir sjálfsstjórn og sjálfstrausti
- stuðlað að góðum samskiptum og samstarfi
Námsmat:
Ekki eru lögð fyrir próf í náminu, en gert er ráð fyrir verkefnavinnu, mætingu á fjarfundi og mætingarskyldu í staðlotur.
Kennslufyrirkomulag:
Kennsla fer fram einn virkan dag í viku, almennt frá kl. 17:30–20:30, nema annað sé tekið fram. Námið er 165 kennslustundir og byggir á blöndu af stað- og fjarnámi.
*Skipulag verður birt þegar nær dregur.
*Farið verður af stað með námsleiðina þegar lágmarksfjöldi þátttakenda hefur verið náð.
Styrkir vegna skólagjalda:
Hægt er að sækja um styrki vegna skólagjalda til fræðslusjóða stéttarfélaga og atvinnuleitendur geta leitað til VMST.
Ekki gleyma að kanna þinn rétt.
Nánari upplýsingar veita:
Kristín og Hólmfríður - Netfang: samfelagstulkun@mss.is - Sími: 421-7500.
Námið er niðurgreitt af Fræðslusjóði – verð og upplýsingar eru birt með fyrirvara um breytingar á verðskrá Fræðslusjóðs.