Grunnmennt - Almennur bóklegur undirbúningur

Grunnmennt er ætlað fólki, 18 ára og eldra, sem vill styrkja sig í kjarnagreinum (íslensku, stærðfræði, ensku og dönsku) og undirbúa sig undir frekara nám (t.d. Menntastoðir). Í náminu er einnig lögð áhersla á mikilvæga þætti fyrir daglegt líf og störf, svo sem námstækni, sjálfstyrkingu, samskipti og tölvu- og upplýsingatækni.
Námið hentar vel fólki sem hefur takmarkaða formlega skólagöngu að baki, hefur ekki verið lengi í námi og vill fara rólega af stað með góðum stuðningi, hvatningu og leiðsögn frá upphafi. 
Námið er 300 kennslustundir og hægt er að meta það til allt að 15 eininga á framhaldsskólastigi.

Markmið eru að námsmaður:

• byggi upp grunnfærni í íslensku, dönsku, ensku, stærðfræði og tölvu- og upplýsingatækni
• þrói jákvætt viðhorf til náms
• efli sjálfstraust og samskiptafærni
• tileinki sér sjálfstæð og skipulögð vinnubrögð
• verði betur í stakk búnir til að takast á við ný verkefni og/eða áframhaldandi nám 

Námsgreinar:

• Danska
• Enska
• Framsögn
• Íslenska
• Lokaverkefni
• Markmiðasetning
• Námstækni
• Sjálfstyrking
• Stærðfræði
• Upplýsingatækni

Námsmat:
Verkefnaskil, kannanir og virk þátttaka (símat).

Kennslufyrirkomulag:
Kennsla fer fram virka daga frá kl. 08:30–12:15 í húsnæði MSS, Krossmóa 4a, 3. hæð. Ekki eru hefðbundin lokapróf, en lögð er áhersla á fjölbreytt námsmat, svo sem verkefnavinnu, kannanir, hópavinnu, umræður og rökræður. Þegar líður á kennsluönnina verður smám saman lögð áhersla á aukið sjálfstæði og öryggi nemanda í heimanámi.

Styrkir vegna skóla- eða námskeiðsgjalda:
Hægt er að sækja um styrki vegna námskeiðsgjalda til fræðslusjóða stéttarfélaga og atvinnuleitendur geta leitað til VMST.
Ekki gleyma að kanna þinn rétt.

Nánari upplýsingar veita:
Jóhanna María og Hólmfríður - Netfang: grunnmennt@mss.is - Sími 421-7500

Námið er niðurgreitt af Fræðslusjóði - verð er birt með fyrirvara um breytingar á verðskrá Fræðslusjóðs.