Um námskeiðið
Viltu styrkja þig í rekstri og þróun eigin viðskiptahugmynda?
Námið er ætlað þeim sem vilja efla þekkingu sína og auka hæfni í rekstri, áætlanagerð og þróun eigin viðskiptahugmynda. Áhersla er lögð á hagnýta þjálfun í rekstrartengdum útreikningum, verkefnastjórnun, samningatækni og gerð viðskiptaáætlana. Námið er 230 klukkustundir og mögulegt að meta það til allt að 11 eininga á framhaldsskólastigi.
Markmið námskeiðsins er að þátttakendur geti:
- Gert sér grein fyrir helstu þáttum sem lúta að stofnun og rekstri fyrirtækis.
- Unnið með tölur og gögn sem tengjast rekstri, svo sem verðlagningu, álagningu, virðisaukaskatti, kostnaði og afkomu.
- Sett upp og unnið með fjárhags- og kostnaðaráætlanir í töflureikni.
- Reiknað lykiltölur, lagt mat á arðsemi og greint helstu þætti sem hafa áhrif á rekstur fyrirtækis.
- Beitt skipulögðum vinnubrögðum við verkefnastjórnun, markmiðasetningu og eftirfylgni.
- Tjáð sig af öryggi og átt í faglegum samskiptum og samningaviðræðum í starfi.
- Unnið viðskiptaáætlun þar sem tekin eru saman helstu atriði sem snúa að rekstri, fjárhagsáætlun og framkvæmd viðskiptahugmyndar.
Námsþættir:
- Tölvu- og upplýsingatækni
- Námsdagbók og markmiðasetning
- Námstækni
- Framsögn og framkoma
- Samskipti
- Verslunarreikningur
- Áætlanagerð í töflureikni
- Lykiltölur og lausafé
- Samningatækni
- Verkefnastjórnun
- Frumkvöðlafræði og fyrirtækjasmiðja
- Gerð viðskiptaáætlana - lokaverkefni
Námsmat: Áhersla er lögð á leiðsagnarmat og fjölbreyttar matsaðferðir í samræmi við námskrá Fræðslumiðstöðvar atvinnulífsins. Námsmat byggist því fyrst og fremst á verkefnavinnu, verklegum æfingum, hópavinnu, umræðum og samræðum fremur en hefðbundnum prófum. Lögð er áhersla á virka þátttöku og reglulega endurgjöf á námstímanum.
Kennslufyrirkomulag: Námið er kennt í fjarnámi í gegnum Microsoft Teams. Kennsla fer fram tvö til þrjú síðdegi í viku kl. 17:00-20:00 og annan hvern laugardag kl. 09:00-13:00. Samhliða kennslu vinna þátttakendur verkefni og hafa aðgang að fyrirlestrum og öðru námsefni á netinu. Boðið verður upp á aukatíma í tölvu- og upplýsingatækni ef þörf krefur.
Styrkir vegna skólagjalda: Hægt er að sækja um styrki vegna skólagjalda til fræðslusjóða stéttarfélaga.
Nánari upplýsingar veita: Jóhanna og Hólmfríður í síma 421-7500 eða á smr@mss.is
Verð og upplýsingar á námsleiðum er birt með fyrirvara um breytingar