Framúrskarandi konur 60 plús

Námskeiðið Framúrskarandi konur 60 plús er hugsað fyrir konur sem tekist hafa á við áskoranir lífsins og vilja auka vellíðan sína.


Á námskeiðinu er meðal annars farið yfir hin ólíku hlutverk sem konur gegna á lífsleiðinni; hvernig við vinnum úr afleiðingum eldri áskorana; og hvernig við getum unnið með ýmis konar eftirsjá á uppbyggjandi hátt.

Við skoðum hvernig það sem við lærðum í æsku hefur haft áhrif á samskipti okkar og hegðun á fullorðinsárum.

Við veltum fyrir okkur ólíkum hlutverkum í lífinu, ekki síst móðurhlutverkinu og ræðum þær kröfur sem gerðar eru til mæðra og kvenna almennt.

Einnig eru kenndar leiðir til sjálfsumhyggju á efri árum.


Leiðbeinendur eru Guðrún Ebba Ólafsdóttir kennari og Katrín G. Alfreðsdóttir félagsráðgjafi


Kennsla fer fram á þriðjudögum og fimmtudögum frá kl. 16-18 og byrjar 15. september og er til 6. október.

Verð: 66.000
Tímabil: 15. september - 6. október

Sækja um
Framúrskarandi konur 60 plús