Um námskeiðið
Starfar þú á leikskóla eða grunnskóla og vilt efla þig sem starfskraft? Þá er þetta nám mögulega eitthvað sem þú vilt skoða nánar.
MSS býður upp á spennandi nám í leikskólaliða- og stuðningsfulltrúabrú sem er fyrir ófaglært starfsfólk sem starfar í leik- eða grunnskóla. Námið er einingabært og er kennt samkvæmt aðalnámskrá framhaldsskóla.
Forkröfur:
Námið er fyrir þá sem eru 23 ára og eldri, hafa að baki að minnsta kosti þriggja ára starfsreynslu og starfa við uppeldi og umönnun barna í leik- eða grunnskólum. Einnig er námið ætlað þeim sem hafa lokið starfstengdum námskeiðum, samtals 200-240 kennslustundum.
Þátttakendum er boðið upp á raunfærnimat hjá náms- og starfsráðgjöfum MSS í upphafi náms, sem getur stytt námsleiðina. Raunfærnimat er eingöngu fyrir starfsfólk 23 ára og eldra með að minnsta kosti þriggja ára starfsreynslu í leik- eða grunnskóla.
Kennslufyrirkomulag:
Nám á leikskóla- og stuðningsfulltrúabrú spannar fjórar annir, en mögulegt að ljúka náminu á styttri tíma. Námið byggir á fjar- og staðnámi og er kennt í lotum þar sem áhersla er á einn áfanga í einu. Þátttakendur hafa val um hvort þeir mæta á staðinn, taki þátt í gegnum fjarfund eða horfi á upptöku síðar.
Tími- og staðsetning:
Kennsla fer fram á miðvikudögum frá kl. 17:15 - 19:15 og einn laugardag í upphafi hverrar lotu (þrír til fjórir áfangar á önn). Auk þess eru opnir verkefnatímar aðra hverja viku með kennara frá kl. 17:00 - 19:00.
Að loknu námi útskrifast þátttakendur sem leikskólaliðar og/eða stuðningsfulltrúar.
Styrkir vegna skólagjalda:
Hægt er að sækja um styrki vegna skólagjalda til fræðslusjóða stéttarfélaga og atvinnuleitendur geta leitað til VMST.
Ekki gleyma að kanna þinn rétt.
Nánari upplýsingar veita:
Linda Björk, verkefnastýra námsleiðar á linda@mss.is og Steinunn, náms- og starfsráðgjafi á steinunn@mss.is eða í síma 421-7500.
Námið er niðurgreitt af Fræðslusjóði - verð er birt með fyrirvara um breytingar á verðskrá Fræðslusjóðs.