Um námskeiðið
Námið er ætlað þeim sem starfa eða vilja starfa við umönnun fólks með fötlun og hafa ekki lokið formlegu framhaldsskólanámi. Námið hentar einnig þeim sem starfa í þjónustu við aldraða og sjúka eða með börnum og ungmennum í vanda.
Námið er alls 324 klukkustundir og hægt er að meta það til allt að 16 eininga á framhaldsskólastigi. Kennt er samkvæmt námskrá Fræðslumiðstöðvar atvinnulífsins.
Markmið námsins er að auka færni og þekkingu þátttakenda á aðstæðum og þörfum fólks með fötlun, efla lífsgæði þeirra og virkni og styrkja fagmennsku í starfi. Í náminu er lögð áhersla á sjálfseflingu, réttindi og vellíðan fólks með fötlun og mikilvægi faglegrar og einstaklingsmiðaðrar þjónustu.
Að námskeiði loknu ættu þátttakendur að geta:
- aukið færni og þekkingu á þörfum og lífsaðstæðum fólks með fötlun
- eflt lífsgæði og virkni þjónustuþega
- þróað skilning á sjálfseflingu, réttindum og vellíðan
- styrkt faglega hæfni í starfi innan velferðarþjónustu
Námsþættir:
- Velferðarþjónustan og hugmyndafræði fötlunar
- Fatlanir og þjónustuþörf
- Erfðir og þroski
- Mannréttindi og siðferði
- Geðsjúkdómar og lyf
- Lífstíll og heilsa
- Samskipti og samvinna
- Starfið og námið
- Áföll og afleiðingar
- Framkvæmd þjónustu við fatlað fólk
- Lokaverkefni
- Starfsþjálfun
Námsmat:
Verkefnaskil, mætingarskylda og virk þátttaka í náminu.
Kennslufyrirkomulag:
Námið er kennt í blöndu af fjarnámi á Teams og staðnámi í húsnæði MSS að Krossmóa 4a, 3. hæð. Kennt er á mánudögum og miðvikudögum frá kl. 17:00 - 20:30, auk staðlotu einn laugardag í mánuði.
Námið byggir á fyrirlestrum, verklegum æfingum og verkefnavinnu. Engin lokapróf eru í náminu, en lögð er áhersla á fjölbreytt námsmat.
Hægt er að horfa á upptökur kennslustunda síðar, en þá þarf að skila ígrundun og verkefnum um efni tímans.
Tími og staðsetning:
Námið hefst 2. nóvember og lýkur 25. febrúar 2026 (jólafrí frá 9. desember).
Styrkir vegna skólagjalda:
Hægt er að sækja um styrki vegna námskeiðsgjalda til fræðslusjóða stéttarfélaga og atvinnuleitendur geta leitað til VMST.
Námið er félagsfólki aðildarfélaga og samstarfssjóða Starfsmenntar að kostnaðarlausu. Skráning fer fram á heimasíðu Starfsmenntar.
Einnig greiðir stéttarfélagið Efling námið að fullu fyrir sína félagsmenn.
Ekki gleyma að kanna þinn rétt.
Nánari upplýsingar veita:
Nanna Bára og Hólmfríður - Netfang: nanna@mss.is / namskeid@mss.is - Sími: 421-7500.
Námið er niðurgreitt af Fræðslusjóði – verð og upplýsingar eru birt með fyrirvara um breytingar á verðskrá Fræðslusjóðs.