Menntastoðir - Staðnám

Menntastoðir eru undirbúningsnám fyrir frumgreinadeildir Keilis, Bifrastar og H.R.
Auk þess má meta námið sem hluta af bóklegum greinum í iðnnámi. Lokamarkmið Menntastoða er fyrst og fremst að námsmenn auki færni sína í þeim námsþáttum sem kenndir eru þannig að þeir geti tekist á við nám við frumgreinadeild háskóla, þ.e. uppfylli viðmið á þrepi tvö.
Námið er einnig í boði í fjarnámi.

Markmið eru að námsmaður:

• þekki þær leiðir sem henta honum til náms
• hafi jákvæð viðhorf gagnvart áframhaldandi námi
• hafi bætt sjálfstraust sitt og aukið færni sína í samskiptum við aðra     
• sé fær um að vinna verkefni sjálfstætt og skipulega, afla og miðla upplýsingum með ýmsu móti           

Námsgreinar:

• Enska
• Danska
• Íslenska
• Lokaverkefni
• Námstækni
• Samfélagsgrein
• Stærðfræði
• Upplýsingatækni

Nánari upplýsingar má finna í námskrá Menntastoða

Námsmat:
Verkefnaskil, kannanir og virk þátttaka (símat).

Kennslufyrirkomulag:
Staðnám í Menntastoðum tekur rúma fjóra mánuði og getur numið allt að 60 framhaldsskólaeiningum. Staðnám er kjörið fyrir þá nemendur sem hafa svigrúm til að ljúka námi á stuttum tíma.
Námið er einnig í boði í fjarnámi.

Tími og staðsetning: 
Kennsla fer fram virka daga frá kl. 08:30–15:30 nema á föstudögum til kl. 12:10 í húsnæði MSS.

Styrkir vegna skólagjalda:
Hægt er að sækja um styrki vegna skólagjalda til fræðslusjóða stéttarfélaga og atvinnuleitendur geta leitað til VMST.
Ekki gleyma að kanna þinn rétt.

Nánari upplýsingar:
Linda og Hólmfríður - Netfang: menntastodir@mss.is - Sími: 421-7500

Námið er niðurgreitt af Fræðslusjóði - verð er birt með fyrirvara um breytingar á verðskrá Fræðslusjóðs.

* Markhópur framhaldsfræðslulaga eru allir þeir sem EKKI hafa lokið fullu námi frá framhaldsskóla þ.e. ekki lokið stúdentsprófi, iðnnámi eða sambærilegu námi og þeir sem EKKI hafa viðurkennt nám eða viðurkennda færni á sama þrepi til starfa í íslensku samfélagi, þótt þeir hafi lokið námi erlendis. Þeir sem hafa lokið viðurkenndu námi frá framhaldsskóla þ.e. stúdentsprófi, iðnnámi eða sambærilegu námi teljast til markhóps laganna sé nám þeirra úrelt eða umskólunar þörf af rökstuddum ástæðum.