Fagnám fyrir starfsmenn leikskóla ásamt íslenskunámi

Námið er ætlað einstaklingum sem starfa eða stefna á störf í leikskóla og hafa ekki lokið formlegu framhaldsskólanámi. Þetta er framhaldsnámsleið (hluti 2) og byggir á fyrri hluta Leikskólastarfs.

Námið er alls 210 kennslustundir og hægt er að meta það til allt að 17 eininga á framhaldsskólastigi. Kennt er samkvæmt námskrá Fræðslumiðstöðvar atvinnulífsins og fer fram á íslensku. 

Markmið námsins er að efla hæfni þátttakenda til að takast á við verkefni í starfi, styrkja sjálfstraust og lífsleikni og stuðla að jákvæðu viðhorfi til áframhaldandi náms. Fjallað er meðal annars um uppeldisfræðikenningar, þroska barna og frávik í þroska, Aðalnámskrá leikskóla, listastarf og örvun í þroska barna, tölvufærni og samskiptafærni.

Markmið eru að þátttakendur: 

• öðlist betri skilning á starfi í leikskóla 

• efli færni í samskiptum og samvinnu 

• styrki sjálfstraust og lífsleikni 

• tileinki sér þekkingu á þroska og velferð barna 

• verði betur í stakk búnir til frekara náms og starfa

Námsmat:
Verkefnaskil, kannanir og virk þátttaka (símat).

Tími og staðsetning: 
Námið fer fram frá 19. október til 16. desember 2026. Námskeiðið mun fara fram í húsnæði MSS, Krossmóa 4a, 3.hæð. 

Styrkir vegna skólagjalda:
Hægt er að sækja um styrki vegna námskeiðsgjalda til fræðslusjóða stéttarfélaga. 
Ekki gleyma að kanna þinn rétt. 

Nánari upplýsingar veitir:
Nanna Bára – Netfang: nanna@mss.is – Sími: 421-7500

Námið er niðurgreitt af Fræðslusjóði – verð og upplýsingar eru birt með fyrirvara um breytingar á verðskrá Fræðslusjóðs.