Um námskeiðið
Viltu kynna þér matvælaöryggi? Vegna góðra viðbragða bjóðum við aftur upp á námskeiðið í fjarnámi.
Öryggi og fagleg þekking í meðhöndlun matvæla er afar mikilvæg í allri matvælavinnslu. Námskeiðið er ætlað öllum sem starfa eða hyggjast starfa við matvælavinnslu, svo sem í eldhúsum, á veitingastöðum, í matvælaþjónustu eða öðrum störfum þar sem unnið er með mat.
Námið er 60 kennslustundir og hægt er að meta það til allt að 5 eininga á framhaldsskólastigi. Kennt er samkvæmt námskrá Fræðslumiðstöðvar atvinnulífsins.
Námsþættir:
- Matvælaörverufræði
- Innra eftirlit, HACCP/GMP
- Gerð matseðla, vöruþekking og fæðuflokkar
- Að auka hollustu máltíða og tilbúinna matvæla
- Geymsluþol, skynmat, vöruþekking
- Ofnæmi og óþol
- Þrif og sótthreinsun
Námsmat:
Mætingarskylda, verkefnaskil og virk þátttaka (símat).
Tími og staðsetning:
Námið fer fram frá 21. september til 2. nóvember 2026.
Kennsla er á mánudögum og fimmtudögum frá kl. 17:00 – 19:00.
Þátttakendur sækja tímana í fjarnámi. Hægt er að horfa á upptökur kennslustunda síðar, en þá þarf að skila ígrundun og verkefnum um efni tímans.
Styrkir vegna skólagjalda:
Hægt er að sækja um styrki vegna námskeiðsgjalda til fræðslusjóða stéttarfélaga og atvinnuleitendur geta leitað til VMST.
Námið er án kostnaðar fyrir félagsfólk aðildarfélaga og samstarfssjóða Starfsmenntar. Skráning fer fram á heimasíðu Starfsmenntar: https://www.smennt.is/forsida/
Ekki gleyma að kanna þinn rétt.
Nánari upplýsingar veita:
Jóhanna María og Hólmfríður - Netfang: namskeid@mss.is - Sími: 421-7500.
Námið er niðurgreitt af Fræðslusjóði - verð og upplýsingar eru birt með fyrirvara um breytingar á verðskrá Fræðslusjóðs.