Fagnámskeið í félags- og heilbrigðisþjónustu
Markmið námsins er að auka færni og þekkingu námsmanna á aðstæðum og þörfum skjólstæðinga til að efla lífsgæði þeirra og virkni. Í náminu er lögð áhersla á sjálfseflingu, lífsgæði og réttindi skjólstæðinga og starfsfólks.
Námið er ætlað þeim sem vinna eða vilja vinna í félags og heilbrigðisþjónustu og hafa ekki lokið formlegu framhaldsskólanámi.
Námið spannar 210 klukkustundir en 190 stundir eru með leiðbeinanda og 20 stundir án leiðbeinanda (raunfærnimat) Kennt er samkvæmt námskrá Fræðslumiðstöðvar atvinnulífsins. Mennta– og menningamálaráðuneytið hefur samþykkt að meta megi námið til allt að 10 eininga á framhaldsskólastigi.
Námsþættir:
Skilningur á starfsemi í félags og heilbrigðisþjónustu, að vinna að lausnum og undir álagi, fjömenningarfærni, vellíðan, smitvarnir, iðja og iðjuþjálfun, umönnun, frumkvæði, gæðavitund og viðskiptavinurinn í brennidepli.
Fyrirkomulag:
Á Teams í fjarnámi og í húsnæði MSS að Krossmóa 4a, 3. hæð. Kennt verður á mánudögum og miðvikudögum kl. 17:00-20:00 og staðlota einn laugardag í mánuði. Mögulegt er að hlusta á upptökur eftir á en þá þarf að skila inn ígrundun og verkefni um efni tímans. Engin lokapróf eru í náminu en lögð er áhersla á verkefnavinnu, verklegar æfingar, hópavinnu, umræður og rökræður.
Stefán E. Hafsteinsson iðjuþjálfi og Torfi Jónsson sálfræðingur kenna ásamt fleiri gestakennurnum.
Námsmat:
Verkefnaskil, mætingarskylda og virk þátttaka.
Tími:
Hefst 9. september og lýkur 16. desember, 2026
Verð:
93.500 kr.
Verð á námsleiðum er birt með fyrirvara um breytingar
Fræðslusjóðir stéttarfélaganna niðurgreiða námið.
Námið er félagsfólki aðildarfélaga og samstarfssjóða Starfsmenntar að kostnaðarlausu - skráning á heimasíðu Starfsmenntar
Efling greiðir námið að fullu fyrir félagsmenn sem greiða í Fræðslusjóð Eflingar og opinberra launagreiðenda og uppfylla skilyrði um starf í þeirri grein sem námið nær til. Félagsmenn á almennum vinnumarkaði sem greiða í Starfsafl sækja um styrk samkvæmt reglum Starfsafls.“
Nánari upplýsingar um námið veita:
Linda Björk og Hólmfríður
*í síma 4217500
*í tölvupósti namskeid@mss.is
Verð: 93.500
Tímabil: 9. september - 16. desember
