Viðspyrna - Aðlögun og uppbygging eftir veikindi
Lýsing:
Námskeið um skilning og stuðning við einstaklinga með langvinn veikindi. Námskeiðið er ætlað starfsfólki í heilbrigðis- og félagsþjónustu
sem vinnur með einstaklingum sem glíma við langvinn veikindi eða heilsufarsbresti.
Markmið:
Efla skilning á sálfélagslegum þáttum veikinda og styðja fagfólk í því að mæta skjólstæðingum af samkennd, fagmennsku og raunhæfri hvatningu.
Námskeiðið byggir á hugmyndafræði hugrænnar atferlismeðferðar (HAM) og ACT – samþykkis- og skuldbindingarmeðferðar, þar sem áhersla er á samskipti, tilfinningalegan skilning og fagleg mörk í starfi. Námskeiðið byggir á reynslu leiðbeinanda sem sálfræðingur við Hjarta- og verkjasvið Landspítalans og á Reykjalundi, þar sem hann hefur unnið með einstaklingum í endurhæfingu vegna margs konar
líkamlegra veikinda.
Á námskeiðinu verður fjallað um:
• Hvernig langvinn veikindi geta haft áhrif á líðan, sjálfsmynd og samskipti
skjólstæðinga.
• Hvernig starfsfólk getur brugðist við tilfinningaviðbrögðum eins og sorg, vonleysi og
kvíða á uppbyggilegan hátt.
• Hagnýtar leiðir til að efla samskipti, virka hlustun og raunhæfa hvatningu.
• Fagleg mörk, sjálfsumhyggja og sjálfsvernd í krefjandi starfi.
• Aðferðir HAM og ACT sem nýtast í daglegum samskiptum og stuðningi.
Fyrirkomulag:
• Þrjú skipti, 16., 23. febrúar og 2.mars frá kl. 17:00 - 20:00.
Leiðbeinandi:
Torfi Már Jónsson, sálfræðingur, starfar í Geðheilsuteymi á Heilbrigðisstofnun Suðurnesja,
sinnir rannsóknarstörfum á Hjartadeild Landspítala og vinnur jafnframt á Muni sálfræðistofu,
þar sem hann sinnir ráðgjöf og meðferð fyrir einstaklinga í starfsendurhæfingu.
Hann hefur einnig starfað á hjarta- og verkjasviði Landspítala og hjarta- og lungnasviði
Reykjalundar, og nýtir aðferðir úr HAM og ACT til að styðja fólk við að aðlagast breyttum
lífsgæðum, efla seiglu og finna jafnvægi eftir veikindi.
Punktar fyrir sjúkraliða: 10 punktar fyrir 9 klst námskeið
Nánari upplýsingar veita:
Jóhanna María og Hólmfríður - namskeid@mss.is - sími 421-7500
Verð: 32.500
Tímabil: 2. febrúar - 2. mars
