Um námskeiðið
Á þessu ítarlega og gagnlega námskeiði er farið yfir helstu atriði sem snúa að lífeyrismálum og fjármálahlið starfsloka. Námskeiðið hentar öllum sem vilja bæta þekkingu sína á lífeyrismálum, sem og þeim sem starfa við að aðstoða lífeyrisþega. Námskeiðið stendur öllum til boða, en efnið er sérstaklega sniðið að einstaklingum 55 ára og eldri.
Ávinningur þátttakenda:
Þátttakendur öðlast betri yfirsýn yfir réttindi sín og þá valkosti sem í boði eru. Bætt þekking dregur úr líkum á kostnaðarsömum mistökum og gefur færi á að hámarka virði lífeyris og réttinda.
Efnistök eru:
- Hvenær og hvernig hentar að sækja lífeyrisgreiðslur?
- Hvernig göngum við á séreignarsparnað og hvaða áhrif hefur tilgreind séreign?
- Hvað þarf að vita varðandi greiðslur og skerðingar Tryggingastofnunar?
- Er skynsamlegt að sækja hálfan lífeyri?
- Hvernig deili ég lífeyri með makanum mínum?
- Hvaða skatta kem ég til með að greiða?
Leiðbeinandi:
Björn Berg sem hefur haldið hundruð fyrirlestra og námskeiða um fjármál hjá fyrirtækjum, stofnunum, félagasamtökum og skólum.
Tími- og staðsetning:
Þriðjudaginn 29. september 2026 kl. 17:00 – 20:00. Námskeiðið mun fara fram í húsnæði MSS, Krossmóa 4a, 3.hæð.
Styrkir vegna námskeiðsgjalda:
Hægt er að sækja um styrki vegna námskeiðsgjalda til fræðslusjóða stéttarfélaga.
Ekki gleyma að kanna þinn rétt.
Nánari upplýsingar veita:
Díana Karen og Hólmfríður - Netfang: tomstundanamskeid@mss.is - Sími: 421 - 7500.
Verð og upplýsingar á námskeiðum eru birt með fyrirvara um breytingar