Viðspyrna - Aðlögun og uppbygging eftir veikindi

Lýsing:

Viðspyrna – Aðlögun og uppbygging eftir heilsufarsbreytingar er námskeið um sálfélagsleg áhrif langvinnra heilsufarsbreytinga og hvernig hægt er að styðja einstaklinga í að takast á við breyttar aðstæður, streitu og skerðingu á virkni. 

Markmið:

Á námskeiðinu er fjallað um tengsl hugsana, tilfinninga, streitu og hegðunar, auk þess sem farið er yfir hagnýtar leiðir til að efla jafnvægi, seiglu og bjargráð í daglegu lífi.

Námskeiðið nýtist fagfólki í heilbrigðis- og velferðarþjónustu sem vill dýpka skilning sinn á reynslu einstaklinga með langvinn einkenni og efla færni í stuðningi, samskiptum og hvatningu í bata- og aðlögunarferli.

Fyrirkomulag:

Tvö skipti: 30. nóvember og 2. desember, kl. 17:00–21:00.

Leiðbeinandi:

Torfi Már Jónsson er sálfræðingur hjá Sálfræðinetinu og sinnir m.a. ráðgjöf og meðferð fyrir einstaklinga í starfsendurhæfingu vegna heilsufarsbreytinga. Hann hefur reynslu úr störfum hjá Geðheilsuteymi Heilbrigðisstofnunar Suðurnesja (HSS), auk starfsnáms á Landspítala og Reykjalundi. Einnig hefur hann starfað innan félags- og velferðarþjónustu sem deildarstjóri í búsetukjörnum.

Í starfi sínu nýtir hann meðal annars hugræna atferlismeðferð (HAM) og samþykkis- og skuldbindingarmeðferð (ACT) til að styðja einstaklinga við að aðlagast breyttum aðstæðum, efla seiglu og finna aukið jafnvægi í kjölfar heilsufarsbreytinga.

Punktar fyrir sjúkraliða: 10 punktar fyrir 8 klst námskeið

Nánari upplýsingar veita:

Jóhanna María og Hólmfríður - namskeid@mss.is - sími 421-7500