Íslenska í ferðaþjónustu

Starfstengt íslenskunámskeið fyrir erlent starfsfólk

Viltu efla íslenskukunnáttu erlends starfsfólks og styrkja það í samskiptum við viðskiptavini og samstarfsfólk?

MSS býður fyrirtækjum í ferðaþjónustu upp á starfstengt íslenskunámskeið fyrir erlent starfsfólk sem sinnir framlínustörfum. Námskeiðið er á stigi A1.2 - A2.1 (íslenska 2-3) og er ætlað starfsfólki sem þegar hefur grunnþekkingu í íslensku.

Á námskeiðinu er lögð áhersla á hagnýta íslensku sem nýtist beint í starfi. Kennslan er aðlöguð að þörfum fyrirtækisins og þeim störfum sem þátttakendur sinna.

Helstu áherslur

• Starfstengdur orðaforði
• Samskipti við viðskiptavini og samstarfsfólk
• Aukin færni og öryggi í að nota íslensku í daglegu starfi

Kennslufyrirkomulag

Námskeiðið er kennt í fjarnámi og hægt er að skipuleggja kennsluna í kringum starfsemi fyrirtækisins. Miðað er við kennslu tvisvar í viku, til dæmis í tengslum við hádegis- eða kaffitíma starfsfólks.

Þátttakendur þurfa að hafa aðgang að tölvu, spjaldtölvu eða sambærilegu tæki til að taka þátt í kennslunni.

Fjöldi kennslustunda og tímasetningar eru ákveðin í samráði við fyrirtækið og umfang námskeiðsins er aðlagað að þörfum hópsins.

Verð

Verð er samkomulagsatriði og fer eftir umfangi námskeiðsins og fjölda kennslustunda.

Nánari upplýsingar

Kristín Hjartardóttir

kristin@mss.is

421-7500